Misioni paqeruajtës i Organizatës së Traktatit të Atlantikut Verior (NATO), aktualisht ka 3.735 trupa në Kosovë, që vijnë nga 27 vende të botës.

Pjesë e KFOR-it më nuk janë trupat ukrainase, të cilat janë thirrur të kthehen në vendin e tyre për shkak të luftës së nisur nga Rusia.

Radio Evropa e Lirë ka publikuar një infografikë, ku tregohet numri i ushtarëve në KFOR nga secili shtet.

Më së shumti ka nga Italia gjithsej 638 ushtarë dhe Shtetet e Bashkuar të Amerikës me 635 ushtarë.

Ndërkohë, më së paku ka nga Mali i Zi dhe Lituania.