Ndarja nga jeta e legjendës së futbollit brazilian, Pele, pikëlloi shumë sportdashës dhe tifozë.

Pele nuk ishte i njohur vetëm për talentin e tij në botën e futbollit, por edhe për pozitivitetin e tij dhe për ato çka kishte bërë për të tjerët, duke lënë kështu pas një pasuri shpirtërore. Pele gjithashtu ka lënë pas edhe pasurinë monetare të cilën do e trashëgojnë pasardhësit e tij.

Sipas faqes “Celebrity Net Worth”, legjenda e Brazilit ka grumbulluar një shumë mbi 100 milionë dollarë. Këtë pasuri ai e ka grumbulluar gjatë gjithë jetës, pasi i ka fituar jo vetëm si futbollist, por edhe nga shitja e të drejtave të imazhit të tij, kontrata të majme publicitare dhe në mënyra të tjera që kanë lidhje me botën e futbollit, sportit.