Oda e Avokatëve të Kosovës, se fundmi ka pas disa telashe, ku ndër to, është ajo se tre kryetar të degëve rajonale si ajo e Prishtinës, Mitrovicës dhe Pejës, në mbledhjen e rregullt të OAK-së kishin kërkuar shkarkimin e kryesisë, nën akuzat për shpenzime të paarsyeshme.
Fundi i një mbledhje të rregullt në Odën e Avokatëve të Kosovës që për pak rrëshqiti në mbledhje të jashtëzakonshme. Disa degë të kësaj ode kishin kërkuar që kryetari e nënkryetari aktual i saj të shkarkoheshin. As nuk u shkarkuan. As nuk u penguan që të miratonin raportin vjetor. As, në fund, nuk u doli kush kundër.
Para se krejt kjo mbledhje të mbyllej mes avokatësh prezentë u shkëmbyen akuza. Shumë akuza. Dhe nuk ishte as hera e parë që kjo po ndodhë. Ka vite që në këtë odë që ka fuqinë e licencimit të avokatëve në vend hidhen akuza e kundër akuza. Janë raportuar prej dyshimeve për keqpërdorimeve financiare, shpërdorime me vende pune e deri te raportimet për ngacmime seksuale.