Shtëpia e njohur botuese “Onufri” boton romanin e ri të shkrimtarit Ndue Ukaj.

Romani ka titullin “Dritarja e Martin Shkrelit” dhe së shpejti do të jetë në duart e lexuesve, dashamirësve të letërsisë shqipe dhe në libraritë e ndryshme shqiptare.

“Dritarja…” është romani i parë i shkrimtarit Ukaj, meqë veprat e tij të mëhershme janë të zhanreve të tjera të letërsisë artistike.

Për botimin e këtij romani, ka njoftuar autori i tij në faqen e tij në rrjetin social facebook.

Njoftimi i plotë:

Miq dhe lexues,

Ky është romani im që botohet së shpejti nga Shtëpia Botuese “Onufri”.

Ju jam mirënjohës të gjithë atyre që janë bërë bashkëudhëtarë të këtij romani: Elsa Skënderin dhe Adil Ollurin për leximin e dorëshkrimit, sugjerimet dhe tekstet vlerësuese, Bujar Hudhrin për botimin, Enxhi Hudhrin për profesionalizmin dhe përgaditjen e bukur të romanit.

Falenderoj pamasë familjen time për mirëkuptimin, Editën për leximin dhe inkurajimin, miqtë dhe mikeshat që e kanë lexuar dhe më kanë motivuar.