Legjenda e Brazilit, Ronaldo e ka uruar Leo Messin për trofeun e Kupës së Botës.

Messi ka qenë kryefjala e këtij Kampionati Botëror, duke u shpall edhe lojtari më i mirë i turneut.

35-vjeçari mori çmimin e lojtarit më të mirë të turneut pasi shënoi shtatë gola, ndërsa ai u bë gjithashtu lojtari i parë që shënoi në çdo raund të Kampionatit Botëror.

Shumë yje të futbollit e uruan argjentinasin, në mesin e tyre edhe Ronaldo Nazario.

“Futbolli i këtij lloji largon çdo rivalitet. Pashë shumë brazilianë dhe njerëz nga e gjithë bota, duke brohoritur për Messin në këtë finale elektrizuese”, shkroi Ronaldo në Twitter.

“Një lamtumirë e denjë për gjeniun që, përtej të qenit yll i Kupës së Botës, drejtoi një epokë. Urime, Messi!”.

Ronaldo gjithashtu shënoi dy herë në finalen e Kupës së Botës 2002, kur Brazili mundi Gjermaninë, ndërsa ai ishte pjesë e skuadrës fitimtare në vitin 1994 në moshën 17-vjeçare edhe pse nuk luajti.