Pas ndodhive të fundit në ndalimin e procesit të votimit dhe paralajmërimi i një bombe në Shkollë, është ndërprerë procesi i votimit për Deputetin Shqiptarë Shaip Kamberi për kuvendin e Serbisë në Tërnoc të Bujanocit.

Ish -Zv kryetari i komunës së Preshevës Xhelal Memeti, së fundi ka bërë një postim duke shprehur pa kënaqësinë e tij që Presheva dhe pushteti aktual po qendrojnë të heshtur në këtë situatë.

Tutje, Memeti ka thënë njejtë është vepruar edhe më herët me Drejtorin e Ambulantës duke shkarkuar një Shqiptar e zëvendësuar me një Serb.

Ndër të tjera, Memeti ka kritikuar rëndë edhe heshtjen e Prishtinës dhe Tiranës ndaj një situate të tillë.

Postimi i plote:

Presheva e heshtur ndaj situatës në Tërnoc.

Sa shqetësuese involvimi i militantëve serb në vend votime të inspiruar nga Beogradi Zyrtar, aq brengosëse qasja e udhëheqësve nga Presheva karshi Bujanoces.

Udhëheqësit në Komunën e Preshevës nuk e kanë shqetësimin për situatën në Bujanoc, më shumë i shqetëson vonesa e konstituimit të Qeverisë në Beograd.

Këta presin që të jenë pjesë e Qeverisë në Beograd, me Trupin Koordinues ose eventual ndonjë ZëvendësMinistër.

Ky pozicion do të bëhet në këmbim te Drejtorateve Serb që do t’i zëvendësojnë Drejtorat Shqiptarë nëpër institucionet e Preshevës, duke filluar nga Qendra për Punë Sociale e me radhë edhe nëpër institucione të tjera.

Njësoj është bërë më herët me emërtimin e drejtorit Ambulantes në Preshevë, duke shkarkuar një Shqiptar dhe duke zëvendësuar me një Serb dhe nuk i shqetësoi aspak ky ndryshim duke mos pasur asnjë reagim sepse këta ishin vet pjesë e këtij skenari.

Si ka mundësi që Prishtina dhe Tirana zyrtare të jenë të heshtur ndaj këtij skenari Politik në Luginën e Preshevës, këta janë fajtor për zbrazjen e Luginës.

Ish Zv.Kryetar Komunës Preshevës

Xhelal Memeti