Buta përveç se është kthyer në rrjete sociale, po i rikthehet edhe koncerteve.

Ai ka bërë të ditur se do të këndojë në një klub të Tiranës.

“Tiranë u bë një kohë”, ka shkruar reperi i cili sapo është kthyer nga pushimet.

Në korrik të këtij viti Buta kishte treguar se për shkak të rastit nuk do të zhvillojë evente muzikore të cilat i kishte paraparë, por tashmë ka vendosur të rikthehet.

30-vjeçari nga Ferizaj, Qëndrim Januzi, vëllai i Butës, dyshohet se ka vrarë mbrëmjen e 27 majit të këtij viti, një person po ashtu 30-vjeçar të quajtur Gazmend Hyseni në rrugën “Rexhep Bislimi” në Ferizaj rreth orës 00:53.

Ngjarja sipas Prokurorisë Themelore në Ferizaj dyshohet se ka ndodhur pasi viktima Gazmend Hyseni, i njohur në qytet si “Strella”, ia kishte djegur rreth dy muaj më parë veturën e tipit “Mercedes”, Betimit, që e thërrasin “Buta”.

“Pas një mosmarrëveshje të mëhershme lidhur me një veturë të vëllait të tij për të cilën i pandehuri ka pretenduar se i është djegur nga ana e tani të ndjerit, me ta takuar të ndjerin shtënë në drejtim të tij me armë zjarri shtatë herë, me ç’rast si pasojë e të shtënave, nga plagët e marra ndërron jetë”, shkruan në dosjen e Prokurorisë së Ferizajt.