19:54 - 18 Korrik 2021

Reshjet e shiut kanë shkaktuar dëme edhe në kryeqytetin e Kosovës.

Nga pamjet e siguruara vërehet se reshjet e shiut në lagjen Pejton në Prishtinë, kanë shkakëtuar disa dëme të vogla dhe ka bllokuar rrugët e lagjes.

Erërat e forta dhe reshjet e dendura të shiut kanë shkaktuar probleme nëpër qytete të tjera.

KEDS ka njoftuar se aktualisht qyteti i Gjakovës, Malishevës dhe Rahovecit janë në mungesë të furnizimit me rrymë si pasojë e reshjeve.

Reshjet e shiut kanë shkaktuar telashe edhe në Gjilan, ku si pasojë është obliguar edhe evakuimi i shtëpive nga gjilanasit.

Sipas kryetarit të Komunës së Gjilanit, Lutfi Haziri, komuna ka bërë intervenim në 25 raste të ndryshme nga 52 thirrje që kanë pranuar institucionet komunale të emergjencave.