Gjatë seancës së sotshme të Kuvendit u përplasën verbalisht deputeti i Vetëvendosjes, Armend Muja dhe ai i PDK’së, Ferat Shala.

Pasi deputeti Muja ia përmendi Shalës punësimin e fëjimëve të tij, ky i fundit ia ktheu në një tjetër monedhë.

Në kohën kur Muja ishte i arrestuar nën dyshimet për korrupsion, Shala tha se nga burgu e ka nxjerr kolegu i tij nga PDK, Bekim Haxhiu. Madje, sipas Shalës ai i kishte dërguar edhe picë në stacionin e policisë.

Njërin nga pretendimet e Shalës e ka mohuar deputeti Haxhiu.

Ai i ka thënë Insajderit se nuk është e vërtetë që e ka nxjerrë Mujën nga burgu, por picë i kishte dërguar me kërkesë të familjes së tij.

“Me kërkesën e familjes së tij kur ka qenë i arrestuar Armend Muja për korrupsion është e vërtetë që në stacion policor i kam dërguar picë për të ngrënë. Por prej burgut nuk e kam nxjerr as nuk e di kur ka dal dhe si ka përfunduar rasti i tij”, ka thënë Haxhiu për Insjaderin.