Pak ditë më parë një person ia vuri flakën garazhës së shtëpisë së gazetarit të Radio Televizionit të Kosovës, Alban Selimi. Gazeta Insajderi ka mësuar se personi i dyshuar për kërcënim ndaj gazetarit është Arsim Limani.

Gazetari Selimi tregoi sot në një prononcim për Insajderin se i dyshuari është arrestuar. Lajmin e ka konfirmuar tashmë edhe Policia e Kosovës.

“Sot hetuesit e stacionit policor të Fushë Kosovës, kanë arrestuar një person të dyshuar për veprën zjarrvënie të raportuar me datën 16.03.2023, në Fushë Kosovë”, thuhet në njoftimin e policisë.

Policia ka bërë të ditur se i dyshuari është i moshës 42 vjeçare.

“Personi i arrestuar:A. L mashkull, 42 vjeç, me vendim të prokurorit është dërguar në mbajtje”, thuhet tutje në njoftimin e PK’së.