Janë bastisur katër lokacione në Mitrovicë të Veriut, ku janë arrestuar dy persona të dyshuar për shpërndarjen e fletushkave, ndërsa një tjetër është në kërkim.
Kështu ka konfirmuar për Gazetën Insajderi Zëvendësdrejtori i Policisë në veri, Veton Elshani, i cili tha se të dyshuarit po intervistohen, dhe pastaj do të vendoset për veprime të tjera.
“Sot gjatë orëve të pasdites në Mitrovicën e Veriut i kemi bastis 4 lokacione në lidhje me rastin e thirrjes për rezistencë dhe i kemi ndalu dy persona, ndërsa jemi në kërkim edhe të një personi të tretë. Pas intervistimit të tyre do të vendoset për veprimet e tjera. Të dyshimtët e ndaluar G.K. (1978) dhe D.S.(1971)”, tha Elshani.
Rikujtojmë se ditën e hënë, në Mitrovicën e Veriut ishin shpërndarë disa fletushka që bënin thirrje për rezistencë dhe nxisnin urrejtje.