Policia e Kosovës gjatë kontrollit në një lokal në Prizren ka gjetur dhe sekuestruar substanca narkotike të llojit kokainë dhe marihuanë.

Lidhur me rastin janë arrestuar katër persona.

Rasti ka ndodhur të shtunën, rreth orës 21:45. 

“Në bazë të dyshimit të bazuar, gjatё kontrollit në një lokal janë gjetur dhe sekuestruar : substance narkotike e llojit kokainë para te gatshme, njё telefon mobil, substancë e dyshuar narkotike e llojit marihuanë, njё peshore, një Grinder dhe një thikë. Me urdhër verbal të Gjyqtarit të procedurës është kontrolluar edhe shtëpia e një prej të dyshuarve ku janë gjetur dhe sekuestruar: një peshore elektronike dhe para të gatshme”, thuhet në njoftim.