Qëndresa Sadriu është zgjedhur rreth një muaj më parë deputete në Parlamentin e Kantonit të Cyrihut. Ndërsa sot, ajo, si shqiptarja e parë në këtë post në këtë kanton, ka publikuar në faqen e saj të facebookut fotografinë nga mbledhja e parë e parlamentit në përbërje të re.

Me këtë rast ajo u është drejtuar miqve dhe dashmairësve të saj me një përshëndetje të thjeshtë: “Proud”  (krenare). Mbledhja e parë konstituive e Parlamentit Kantonal, Zürich. Die erste konstituirende Sitzung des Kantonalen Parlaments-Zürich. Faleminderit të gjithëve Danke euch allen”, shkruan ajo.

Qëndresa Sadriu, siç ka shkruar tashmë albinfo.ch, është një politikane e re nga mosha por me përvojë të konsiderueshme në politikën lokale dhe tashmë edhe kantonale të Zvicrës. Ajo është prej dy mandatesh këshilltare komunale ndërsa prej një viti, edhe kryetare e Asamblesë Komunale të Komunës Opfikon .

Në zgjedhjet e kaluara, në vitin 2015 Qëndresa Sadriu pati kandiduar për vendin e deputetets në Parlamentin Fedreal të Zvicrës. Ndonëse ka qenë garuesja më e suksesshme në mesin e shqipütarëve por votat nuk i kishin mjaftuar për tu zgjedhur.