Banorët e kryeqytetit dhe atë të cilët vijnë në Prishtinë nga e premjta do të kenë një vend për të parkuar automjetin.

Parkingu nëntokësor i cili do të funksionalizohet të premten e 11 nëntorit, kishte ngjallur interesim të madh tek qytetarët.

Por, që interesimi për të duket se tani ka rënë dukshëm.

Korab Fazliu, drejtor menaxhues i “Parking Center” në një intervistë për Insajderin tha se qytetarët kanë pasur interesim të madh pasi që mendonin se është parking i lagjeve.

“Qytetarët kanë pasë shumë interesim sepse kanë mendu që është parking i lagjeve… kërkesat kanë filluar të zbresin”, u shpreh Fazliu.

Ai thotë se tani kanë kërkesa vetëm nga bizneset dhe se 98% e parkingut është e lirë për tu shfrytëzuar nga qytetarët.

“Të vetmet kërkesat që i kemi momentalisht janë të bizneseve që janë në qendër të Prishtinës që skanë hapësira të parkingut, mirëpo ajo është minimale…. 98% e parkingut është e shfrytëzueshme 24 h prej çdo qytetari në çdo kohë të mundshme”, tha tutje ai.