Kryeministri i Kosovës, Albin Kurti ka reaguar pasi Kosova e ka kaluar me sukses fazën e parë të anëtarësimit në Këshillin e Evropës.
Kurti përmes një postimi në “Facebook” ka deklaruar se Kosova do të jetë vlerë e shtuar për Këshillin e Evropës.
“Shteti ynë do të jetë vlerë e shtuar për Këshillin e Evropës. Këshilli i Evropës do t’i shtojë vlerë demokracisë, të drejtave të njeriut dhe sundimit të ligjit në shtetin tonë. Falënderoj ministrinë e Punëve të Jashtme dhe Diasporës, ministren Gërvalla, zëvendësministrin Ahmeti dhe ekipet e tyre për punën e pandërprerë, si dhe partnerët tanë e shtetet anëtare, për përkrahjen e pakursyer”, përfundoi ai.