Kryetari i Sindikatës së Pavarur të Radio Televizionit të Kosovës (RTK), Fadil Hoxha, ka radhitur emrat e deputetëve në Komisionin për Buxhet dhe Transfereve, që sipas tij, e kanë lënë televizionin publik pa buxhet.
Hoxha, me anë të një postimi në ‘Facebook’, ka thënë se nuk ka ndodhur më herët që punëtorët e RTK-së të mos jenë në dijeni kur do t’iu ekzekutohen pagat, shkruan Gazeta Insajderi.
“Ne histori te RTK-se ka ndodhe gjithcka por asnjehere punetoret mos me e dite kur i marrin pagat e tyre per te cilat kane punuar. Besoni nuk ka nderhyrje me te madhe ne pavaresine e nje Transmetuesi Publik se sa politika me vendos kur me t’i dhene parate te cilat te takojne me ligj”, thuhet ndër të tjera në postimin e tij.
Tutje, ai ka radhitur emrat e deputetëve të pushtetit e opozitës që janë pjesë e komisionit, që sipas tij, kanë bllokuar buxhetin e RTK-së.
Postimi i plotë:
Prej 1 prillit RTK eshte pa buxhet.
Per tash e 32 dite Transmetuesi Publik eshte lene ne meshiren e askujt.
E gjithe kjo pershkak se deputetet e Komisionit per Buxhet e Transfere nuk dojne me u taku e me e kry kete pune per te cilen jane zgjedhur por edhe per te cilen paguhen.
Ne histori te RTK-se ka ndodhe gjithcka por asnjehere punetoret mos me e dite kur i marrin pagat e tyre per te cilat kane punuar.
Besoni nuk ka nderhyrje me te madhe ne pavaresine e nje Transmetuesi Publik se sa politika me vendos kur me t’i dhene parate te cilat te takojne me ligj.
E keni mundesine qitjani drynin po hajgare mos boni me neve.
Ajo cka po me iriton me se shumti eshte mosguximi i Bordit me ngrite zerin per kete ceshtje.
Dilni more folni se nuk ka kurgjo me te keqe e me te demshme se nenshtrimi.
Keta jane deputetet e Komisionit per Buxhet e Transfere
Armend Muja-kryetar
Jeta Statovci
Enver Haliti
Emon Rrahmani
Visar Korenica
Duda Balje
Mergim Lushtaku
Avdullah Hoti
Ferat Shala
Pal Lekaj /Insajderi.org/