Berat Rukiqi nga Lidhja Demokratike e Kosovës ka thënë se Qeveria e Kosovës e drejtuar nga Albin Kurti ”edhe kur e shpenzon parane publike, e shpenzon keq”.

Këtë pretendim ai e ka arsyetuar, pasi Qeveria ndau mjetet për librat shkollorë të cilat do të iu transferohen prindërve të nxënësve.

”Mbi 4 milionë ka qene oferta per librat shkollore, ne tenderin e anuluar nga Qeveria. Sot i kane ndare mbi 6 milionë euro, për librat e njëjtë”, ka shkruar Rukiqi në Facebook.

Ai ka thënë se efekti në këtë rast është dëmtim i buxhetit.

”Demtim i buxhetit, se paku per 2 milionë euro me shume. Kjo i bjen si me i vjedh, 2 milione nga taksat tona; Komplikim i gjerave, për secilën familje qe ka fëmije ne shkolla; Një arsye me shume, për te demonizuar ndonjë biznes qe paguan taksa. Te dëmshëm, amatera, keqpërdorues te parasë publike”, ka shkruar ai.