Berat Rukiqi nga Lidhja Demokratike e Kosovës, ka reaguar ndaj vendimit të Ministrisë e Tregtisë, Industrisë dhe Ndërmarrësisë e cila ka inicuar kallëzim penal ndaj Klan Kosova Sh.P.K, mbi pretendimet për keqpërdorim të autorizimeve ekonomike.
Rukiqi ka shkruar se brutaliteti dhe arbitrari ndaj mediave dhe bizneseve është duke e rrezikuar lirine dhe demokracinë në Kosovë.
“Brutaliteti dhe arbitrariteti ndaj bizneseve dhe mediave eshte rrezik per lirine dhe demokracine ne vend”.
Tutje Rukiqi ka thënë se pezullimi i çertifikatës së biznesit të Klan Kosovës pa hetim kredibil është rast i paprecedent në Kosovë.
“Rasti “Klan Kosova”, perkatesisht pezullimi i certifikates te biznesit te ketij mediumi, pa asnje hetim kredibil dhe pa asnje vendim te organeve te sundimit te ligjit, eshte rast i paprecedent ne Kosoven e pasluftes dhe shenje e qarte e tendences per autokraci dhe shtypje te fjales se lire”.