Vendlindja e përfaqësuesve të Ukrainës në Eurovision u godit nga raketat ruse pak çaste përpara se grupi të dilte në skenë në Liverpool.

Kreu i administratës shtetërore rajonale, Volodymyr Trush, konfirmoi se dy persona u plagosën, transmeton Telegrafi.

Kryebashkiaku i Ternopilit, Serhij Nadal, konfirmoi se magazinat ishin dëmtuar.

Ministria e Punëve të Jashtme e Ukrainës akuzoi Rusinë se kishte sulmuar rajonet e Kievit dhe Ternopilit, para dhe gjatë performancës së Tvorchi në Eurovision Song Contest.

Dhjetë minuta para se të dilte në skenë në Liverpool Arena, përfaqësuesi i Ukrainës postoi në Instagram duke cituar një raport për një sulm në Ternopil në perëndim të Ukrainës.

Ternopil has been hit by Russian missiles, but it is also a barrage of disinformation by Pro-Russian accounts using footage of a fire from early this year in Iran. I have added a picture from my reporting back in January. It is obviously the same fire.#Ternopil #Ukraine pic.twitter.com/zqGu6Aknbi

— (((Tendar))) (@Tendar) May 13, 2023

Pas performancës ai shtoi: “Ternopil është emri i vendlindjes sonë që u bombardua nga Rusia, ndërsa ne ishim në skenën e Eurovizionit duke kënduar për zemrat tona të çelikut, paepur dhe vullnet”.

Ai theksoi mbështetjen për të gjitha qytetet që bombardohen shpesh.

“Ky është një mesazh për të gjitha qytetet e Ukrainës që bombardohen çdo ditë. Kharkiv, Dnipro, Khmelnytskyi, Kiev, Zaporizhzhia, Uman, Sumy, Poltava, Vinnytsia, Odesa, Mykolaiv, Chernigov, Kherson dhe të gjithë të tjerët. Evropë, bashkohuni kundër së keqes për hir të paqes!”, ka shkruar ai.