Kryetari i Këshillit Atlantik të Austrisë, Gunter Fehllinger, i ka ‘treguar’ Serbisë si mund të bëhet pjesë e Perëndimit.

“Serbi, kopjo Bullgarinë, njihe Kosovën dhe mbështet Ukrainën, kështu do t’i bashkohesh Perëndimit po aq suksesshëm sa Bullgaria”, ka shkruar Fehllinger në Twitter, shkruan Gazeta Insajderi.

Serbia 🇷🇸 copy Bulgaria 🇧🇬 recognize Kosovo 🇽🇰 and support Ukraine 🇺🇦 and you can join the West as successful as Bulgaria 🇧🇬 is doing! pic.twitter.com/NCybRLGwNi

— Gunther Fehlinger (@GunterFehlinger) March 15, 2023

Fehllinger edhe në 15 vjetorin e Pavarësisë i ka bërë thirrje Greqisë dhe Qipros që ta njohin pavarësinë e Kosovës.

Ai tha se Kosova dhe Ukraina duhet të jenë pjesë e NATO-s.

“Miqësia mes Kosovës dhe Austrisë festohet me shumë stil në Vjenë. Duke festuar ditëlindjen e 15-të të Kosovës në zemër të Austrisë neutrale, ftoj Kosovën, Austrinë dhe Ukrainën që të anëtarësohen në NATO”, kishte shkruar ai në Twitter, transmeton Gazeta Insajderi

Ai pati thënë se pavarësia e Kosovës është fakt.

“I bëj thirrje Greqisë dhe Qipros që të njohin Kosovën dhe të jenë aleati më i mirë i NATO-s”. Tashmë kanë kaluar 15 vjet, pavarësia është fakt dhe pse në këtë çështje duhet të qëndrojmë me palën serbe dhe ruse”.

I call Greece 🇬🇷 to recognize Kosovo 🇽🇰 now and be a better Ally for NATO @kmitsotakis @cnni @jchatterleyCNN
It is 15 years now, Independence is a fact and why to stay on Serbian and Russia side on this issue? @NikosDendias ? 15 years! Move on! pic.twitter.com/k2y7Dx0L1p

— Gunther Fehlinger (@GunterFehlinger) February 20, 2023