Djali i artistes së njohur, Shkurte Fejzës, është punësuar në Ministrinë e Punëve të Brendshme, gjatë muajit të kaluar.

Arber Behluli në një konkurs për pozitën e Zyrtarit të Lartë për Hulumtim dhe Strategji është shpallur si kandidati më i suksesshëm për këtë pozitë.

Sipas njoftimit të Ministrisë së Punëve të Jashtme, Behluli është vlerësuar me më së shumti pikë (68.84) nga Komisioni Vlerësues.

“Ministria e Punëve të Jashtme dhe Diasporës bënë njoftimin për kandidatin fitues të rekomanduar nga Komisioni i Vlerësimit për lëvizje brenda kategorisë për pozitën: Zyrtar i lartë për Hulumtim dhe Strategji”, thuhet në vendimin e Ministrisë, për Arber Behlulin, djali i Shkurte Fejzës.

Arbër Behluli gjithashtu ishte punësuar në Zyrën e Kryeministrit, në kohën e qeverisjes së Ramush Haradinajt.

Në mars të 2019-s, Behluli ishte pranuar në punë në pozitën Zyrtar i lartë për planifikim të politikave në Zyrën e Kryeministrit.