Kryetari i Drenasit, Ramiz Lladrovci para pesë viteve ishte bërë viral për mënyrën se si po kontrollonte cilësinë e shtrimit të asfaltit. Kjo nuk u harrua lehtë nga publiku të cilët për vite kanë vazhduar ta përmendin. Por, që sot ky veprim është kopjuar nga i pari i Suharekës, Bali Muharremaj.

Lladrovci në vitin 2018 kishte marrë kazmën në duar për të inspektuar punimet për projektin e asfaltimit të rrugëve dhe rrugicave, kishte dal për t’i parë nga afër punimet për realizimin e këtij projekti.

Ai përveç kësaj kishte dalur në terren disa herë ku ishte përballur edhe me kompanitë. Ai kishte ndërprerë Punimet e Kanalizimit për Shkak të Cilësisë së Gypave.

Nga terreni kishte njoftuar se nuk është duke u realizuar projekti sipas rregullave të parapara duke i dhënë ultimatum kompanisë.

Duket se pas pesë viteve, nga kryetari i Drenasit është inspiruar kryetari i Suharekës Bali Muharremaj.

Ai sot në profilin e tij në “Faccebook” ka publikuar një video nga terreni për cilësinë e dobët të asfaltimit.

Por, ndryshe nga Lladrovci ai nuk kishte marrur kazmën për të inspektuar vetë ai punimet. Këtë po e bënte një qytetar.

@insajderitv Suharekë-Asfallti i dobët, qytetari e prashitë me shati parave syve të kryetarit #suhareka #qytetari #balimuharremaj #aak #insajderi ♬ original sound – Insajderi

Ndërsa vetë kryetari Muharremaj tha se “cilësia e dobët e punimeve nuk kalon“.

“Cilësia e dobët e punimeve nuk kalon. Edhe qytetari bashkë me mua është verifikues mes tjerash në cilësi të punimeve. Në teren do të jem bashkë me ta. Samadraxhë”, ka shkruar ai.