Puna e tij fillon që në mëngjesin e hershëm në puntorinë e tij, për të sjell diçka sa të bukur aq edhe unike,këto krijime të veçanta të punuara me ndjeshmëri, përkushtim e domethënëse janë të Arber Kabashit nga Klina.
Pasioni i tij është i fokusuar në gdhendje tek druri duke krijuar dizajne e ruajtur simbolikat që karakterizojnë traditat shqiptare.
Çdo gdhëndje që bëhet në këtë dru e bën të jetë një punim sa më origjinal e antik duke u kujdesur deri në detajet më të vogla.
Ka një numër të madh të këtyre punimeve që zgjon interesin e shumëkujt për të pasur diçka të rrallë në ambientet e tyre.
Me mjetet e tij të vogla ai ndërhyn në këta drunj duke krijuar forma të ndryshme duke i sjell sërish në jetë.
Punën e tij me përkushtim, Kabashi e tregoi edhe njëherë duke mos na lënë të kthehemi pa një dhuratë simbolike.