Biblioteka dhe Arkivi i qytetit të Shtimes së shpejti do ta jenë në objekte të reja, ndërtimi i së cilave do të përfundojë së shpejti.

Në vazhdën e punës dinamike që po zhvillohet për ndërtimin e objektit ku për herë të parë Komuna jonë do ta ketë Bibliotekën moderne dhe Arkivën e qytetit, janë inspektuar arritjet e deritashme në procesin e ndërtimit.

Kryetari i Komunës së Shtimes, Qemajl Aliu, në njoftimin e tij publik theksoi se “jemi të lumtur me nivelin që është arritur dhe me faktin që brenda këtij viti studentët tanë do të kenë mundësi t’i shfrytëzojnë ambientet moderne të Bibliotekës si dhe të ruhet trashëgimia institucionale e Komunës tonë”.