Mbrëmë është mbajtur ceremonia e ‘Ballon d’Or’, ku France Football dha çmimet e futbollistit më të mirë, futbollistes më të mirë, dhe futbollistit më të mirë të ri.

Në ceremoninë e mbajtur në Paris, më i miri i botës u zgjodh Luka Modric, që këtë vit shkëlqeu me klubin dhe kombëtaren, transmeton Insporti.

Përveç kroatit, në këtë ceremoni u nderuan edhe Kylian Mbappe e Ada Hegerberg, duke u shpallur lojtari më i mirë i ri, respektivisht futbollistja më e mirë.

Por, një ‘skandal’ i bërë nga DJ-i francez, Martin Solveig, bëri që të befasoheshin të pranishmit në sallë dhe të shpërthejnë reagimet në rrjete sociale.

Francezi 42-vjeçar, pas fjalimit të Hegerberg ku ajo foli për shpresat e saj që të inspirojë vajzat që të besojnë në vete, u pyet nga Solveig se “A di të bëjë twerk”.

“A di si të bësh twerk?”, ishte pyetja e Solveig, derisa 23-vjeçarja norvegjeze u përgjigj shkurt, “jo”, para se të largohej.

Hegerberg më pas tha për BBC Sport se këtë “nuk e ka konsideruar si ngacmim seksual”, derisa Solveig, që ishte pjesë e performuesve në këtë ceremoni dhe kërceu me Hegerberg, ka kërkuar falje përmes një postimi në ‘Twitter’ duke thënë se nuk ka dashur të ofendojë askënd, derisa ka fajësuar edhe anglishten e tij të dobët, përkundër faktit se pyetjen në fakt e bëri në gjuhën franceze.

“Twerking” është një vallëzim provokues seksual, që u popullarizua nga këngëtarja Miley Curys. /Insporti.com

Lyon striker Ada Hegerberg, first female Ballon D'Or winner after scoring over 250 career goals at the age 23, asked to twerk on stage in front of footballing giants and the public watching. Disgusting and really ruined her moment she deserved. Poor. pic.twitter.com/FSz0ozz2T4

— Seán Walker (@SeanWalkerSport) December 3, 2018