Sot në veri të Mitrovicës do të mbahet një protestë e organizuar nga Lista Serbe, e cila është planifikuar të mbahet nga ora 12:00.

Drejtuesi i Institutit për Afirmimin e Marrëdhënieve Ndëretnike, Famir Sheholli, tha se në protestë pritet të paraqiten tri kërkesa.

“Tash nesër (sot) është një protestë masive në veri. Ata do t’i kenë tri kërkesa; Kërkesa për të anuluar vendimin për targa, kërkesa për formimin e Asociacionit të Komunave me Shumicë Serbe dhe kërkojnë që një marrëveshje që e quajnë atë të Brukselit për vendosjen e një komandanti serb në veri, me miratimin e katër komunave serbe”, deklaroi Sheholli për klankosova.

Lista Serbe dje tha se ka vendosur të dalë nga institucionet e Kosovës, por, ende nuk e kanë bërë zyrtarisht.