Bashkimi Evropian ka kritikuar këto ditë Kosovën se me veprimet e njëanshme mund të rrezikohet të ngecë prapa në procesin e integrimeve evropiane.
“Ne nuk kemi frikë nga një status quo apo ndonjë ngërç. Ne nuk kemi frikë nga asgjë. Ne kemi vetëm frikë se qytetarët e Kosovës dhe Serbisë mund të lihen jashtë përfitimeve nga procesi i anëtarësimit. Fakti që po i shohim gjerat shqetësuese: vendimet e njëanshme dhe mënyrën e sjelljes apo komunikimit që e bëjnë autoritetet e Prishtinës – kjo krijon tek ne frikën se Kosova do të lihet jashtë”, u shpreh Stano.
Tutje ai ka bërë të ditur se shefi i diplomacisë evropiane Josep Borrell, si dhe përfaqësuesi i veçantë për dialog Miroslav Lajçak po angazhohen për të mundësuar vazhdimin e dialogut.