×
  • Lajme
  • Botë
  • Lajme / Botë

    Sulm me raketa në Kharkiv, gjashtë punonjës poste të vdekur

    Insajderi
    22 October 2023 - 11:09

    Gjashtë punonjës të një poste kanë humbur jetën e 16 tjerë janë lënduar, pasi një raketë ka goditur një depo postare në lindje të Ukrainës në orët e vona të së shtunës, raporton BBC.

    Presidenti i Ukrainës, Volodymyr Zelensky, në “Telegram” ka njoftuar se është goditur depo e “Nova Poshta” në Kharkiv.

    Në fotot e shpërndara nga Zelensky, shihet ndërtesa e shkatërruar.

    Guvernatori rajonal i Kharkivit, Oleh Syniehubov, ka thënë se gjitha viktimat ishin punonjës të postës.

    Policia ka bërë të ditur se 22 persona ishin brenda objektit kur një raketë, që dyshohet se ishte S-300, goditi ndërtesën rreth orës 22:30 me kohë lokale.

    Viktimat ishin të moshave nga 19 deri 42 vjeç.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark