Shkrimtarja kroate, Neva Lukiq, ishte sot në një takim për poezinë në Qendrën Kombëtare të Librit dhe Leximit, me seli në Tiranë.

Autorja e “Endless Endings”, foli për vendin nga nisi shkrimi i kësaj vepre, e cila gërsheton poezinë me prozën. Një vepër ku rrëfehet mbi diferencimet fizike dhe sociale mes individëve që jetojnë në shoqëri të hapura, demokratike; në shoqëri ku liria politikisht nuk vihet në pikëpyetje por që kornizon individin brenda modelit të ofruar.

Lukiq ndau me audiencën pikëpamjet e saj mbi gjuhën, poezinë, përkthimin, sfidat e të shkruarit si dhe kufizimet e demokracisë.

Po ashtu, ajo lexoi për të ftuarit disa nga poezitë e saj të përkthyera në gjuhën angleze.