Kolektivi për Mendim dhe Veprim Feminist ka bërë thirrje për protestë pranë Prokurorisë së Shtetit, me shkas lirimin nga paraburgimi të dy aktivisteve, Neri Ferizi dhe Anita Mjeku, shkruan Insajderi.
Sipas tyre ky ndalim është jo legjitim e i pa pranueshëm.
Protesta pritet të mbahet nga ora 17:00.
Njoftimi i plotë:
THIRRJE PËR PROTESTË PRANË PROKURORISË SË SHTETIT: LIROJINI AKTIVISTET, NERI FERIZI DHE ANITA MJEKU
Sot, ora 17:00, Prokuroria e Shtetit
Aktivistet feministe, Neri Ferizi dhe Anita Mjeku janë ndaluar në mbajtje 48 orë me urdhër të Prokurorisë. Ne e konsiderojmë si jolegjitime dhe të papranueshme, mbajtjen e aktivistes Ferizi dhe e lexojmë si tentativë të shtetit për ta heshtur rezistencën feministe në Kosovë.
Institucionet të cilat i lënë të lirë kriminelët burra që dhunojnë dhe kanosin gratë, nuk kanë legjimitet për të burgosur aktivistet që kundërshtojnë papërgjegjësitë institucionale që po i vrasin gratë.
Në kundërshtim të mbajtjes së shoqeve tona në çeli dhe përndjekjen e aktivisteve tjera nga Prokuroria, ne iu ftojmë të na bashkangjiteni sot nga ora 17:00 në protestë pranë Prokurorisë së Shtetit për të kërkuar lirimin e Neri Ferizit dhe Anita Mjekut dhe mos-përndjekjen e aktivisteve feministe.