Ti fluturon me dallendyshet

Një ditë qdo gjë do të ndryshojë
Do të vish të luash me veten
E do të këndosh në duet me heshtjen
Do të jetosh me kujtimin në ballë
E do të thërrasësh me zë, ‘ ç’u bë vallë?’.

Do të kërkosh për veten shpëtim
E sdo të gjesh kund emrin tim
Jetonim ne të dy në gjethe të trëndafilit
duke shijuar erën e tij
Jetonim bashkë me këngën e bilbilit,
Por në fund na therrën gjembat e tij.

Shpresuam se deri në vdekje do të jemi bashkë
Por ajo jetë që ne e ëndërruam nuk ishte e gjatë
Ajo zgjati vetëm të paktët muaj,
E për këtë gjë unë tani po vuaj.

Tani jemi të vdekur për njëri tjetrin
Fluturojmë në qiell për një jetë tjetër
Fluturojmë të dy,por shumë larg njëri tjetrit
E të dyve na shoqrojnë valët e detit.

Ti fluturon bashkë me dallëndyshet
Fjalët që i dha tani po vyshken
E mua më thërrasin skifterët
Por unë s dua të fluturoj me ta,
E ti këndoj ninullat.

S’do të jemi më bashkë
Jeta jonë mbaroi
A do të jetojmë te lulet apo te zjarri?
S’di për njëri tjetrin
A do të na marrë malli?

Yllka Domi u lind me 17.06.1981 në Gjakovë dhe u vra në 7 Maj 1999 në moshën 17-vjeçare. Ajo ka qenë një poete dhe shkrimtare që në moshën 12-vjeçare. Poezia e saj ‘Ti fluturon me dallendyshet’ është mjaftë e njohur. Ajo e ka shkruar këtë poezi shumë pak kohë para se të rreshtohej në Ushtrinë Çlirimtare të Kosovës.