Bota e sportit në SHBA është tronditur nga një lajm i papritur dhe shumë i rëndë. Djali i parë i LeBron James, Bronny James edhe pse vetëm 18 vjeç, është goditur nga një atak kardiak ditën e djeshme ndërsa po stërvitej me skuadrën e tij.
Lajmin e bën të ditur faqja e specializuar e VIP-ave amerikanë, TMZ, sipas së cilës, ndihma e shpejtë mjekësore dhe transportimi i adoleshentit në spital i shpëtuan atij jetën.
Për momentin ai nuk është në terapi intensive dhe gjendja është e qëndrueshme. Një zëdhënës i familjes James kërkon që publiku dhe mediat të respektojnë privatësinë e familjes në këto momente të vështira.