Këshilltarja në Ministrinë për Komunitete dhe Kthim, Rada Trajkoviq, ka pasur kritika ndaj Kryeministrit të Kosovës, Albin Kurti, për të cilin tha se qëllimi i tij është të punojë vetëm me shqiptarë, derisa tha se serbët e Kosovës “u kanë mbijetuar dy spastrimeve të mëdha etnike” ku edhe akuzoi Ramush Haradinajn “se ka bërë shumë” që të mos ketë serbë në Kosovë.

“Është e vërtetë që ka pasur krime ndaj shqiptarëve gjatë shtetit tonë, por ne u kemi mbijetuar dy spastrimeve etnike, projektet multietnike nuk mund të bëhen derisa sa esktremistët qëllojnë mbi serbë. Kurti nuk e lejon e Asociacionin e Komunave me Shumicë Serbe. Ai po kryen projektin e tij, Ramush Haradinaj ka bërë shumë prandaj edhe ka kaq pak serbë në Kosovë”, ka thënë Rada Trajkoviq për “Kosovo-Online”, përcjell Insajderi.

Kujtojmë se Rada Trajkoviq është emëruar këshilltare politike e Nenad Rashiq, pasi ky i fundit u emërua ministër nga Kryeministri i Kosovës, Albin Kurti. Emërimi i tij erdhi pas dorëheqjes së ish-Ministrit Goran Rakiq nga Lista Serbe./Insajderi/