Forca e Sigurisë së Kosovës kanë paralajmëruar manifestimin mbarë kombëtarë të Epopesë së UÇK-së.

Ushtarët e Kosovës janë rreshtuar në nderim të Epopesë së UÇK-së.

“Në nderim të 25 vjetorit të “Epopesë së UÇK-së” sot në kazermën “Adem Jashari” u rreshtuan ushtarët e Forcës së Sigurisë së Kosovës, për të filluar manifestimin mbarë kombëtarë “Epopeja e UÇK-së”.Të pranishëm në manifestimin qendrorë ishin udhëheqës shtetërorë të Republikës së Kosovës, mysafirë të ftuar e qytetarë të shumtë nga të gjitha viset shqiptare të cilët nderuan sakrificën e komandantit legjendar Adem Jashari, familjes Jashari dhe gjithë të rënëve për liri”, thuhet në njoftimin që është bërë në llogarinë zyrtare në Facebook.

Krerët shtetërorë nderuan lartë pjesëmarrësit dhe të rënët në luftën e fundit dhe Adem Jasharin, që njihet si komandant legjendar i UÇK-së dhe familjes së tij.