Një aksident i rëndë ka ndodhur në Itali mbrëmjen e djeshme. Katër djemë teksa po ktheheshin nga një festë ditëlindjeje u aksidentuan në via Alle Fabbriche rreth orës 2:30.
Nga aksidenti fatal ka ndërruar jetë në vend një 18 vjeçar shqiptar me origjinë kosovare ndërsa djemtë e tjerë, të moshës 17 dhe 18 vjeçare janë transportuar në spitalin Ciriè.
Mediat italiane raportojnë se Halili ishte regjistruar në autoshkollë, por ende nuk e kishte marrë lejen e qarkullimit. Pas përplasjes së makinës, tre djemtë që ishin me Halilin kanë mundur të dalin nga makina, ndërsa Halili mbeti në makinë dhe trupi i tij u përfshi nga flakët pasi makina mori flakë.
Në vendngjarje kanë ndërhyrë zjarrfikësit e çetës vullnetare të Caselle dhe ekipi Torino 21, si dhe karabinierët Venaria që po rindërtojnë dinamikën e aksidentit.