Komuna e Skenderajt për herë të parë është përjashtuar nga Këshilli Organizativ dhe nuk është ftuar për shënimin e Epopesë së Ushtrisë Çlirimtare të Kosovës, me datat 5, 6 dhe 7 mars. Këtë përjashtim e ka bërë Qeveria Kurti.

Ndaj kësaj qasje të Kurtit ndaj qeverisjes komunale në Skenderaj, ka reaguar deputetja e PDK-së, Ariana Musliu.

Ajo ka thënë se vetëm në regjimin e Millosheviqit dhe të Albin Kurtit bëhet një largim i tillë.

Deputetja ka thënë se neglizhimin e kanë vërejtur edhe tek pjesa e furnizimit me barna esenciale.

“Nëse flasim specifikisht për Komunën e Skenderajt vetëm në regjimin e Millosheviqit dhe regjimin e Albin Kurtit i bëhet një largim i tillë, dmth prej çdo organizimi të mundshëm që bëhet nga qeveria”, u shpreh Musliu-Shoshi në Pressing.

“Gjithmonë e ka anashkaluar deri në barnat esenciale e kanë neglizhu Komunën e Skenderajt, me të cilat trajtohen fëmijët, të moshuarit, të rinj 30% të barnave esenciale as 30% nu kia kanë dorëzuar”, u shpreh ajo.

/Insajderi