Tush Frrokut i është caktuar masa e paraburgimit prej 30 ditësh nga Prokuroria Themelore në Pejë, i cili dyshohet për vrasjen e A.P., më 7 gusht 2023, në një lokal në Klinë.
Mirëpo dyshimit për vrasje të rëndë në Klinë, Frroku është i njohur për organet e drejtësisë, pasi ishte dënuar për vjedhje të rrymës dhe mbajtje të armëve pa leje.
“Kësaj duhet shtuar edhe faktin se i pandehuri Tush Frokaj është i njohur për organet e drejtësisë, ngase i njejti në bazë të aktgjykimit P.nr. 218/16 është dënuar për vepër penale ndryshimi i njehsorit nga neni 323 par. 1 i KPRK-së, gjersa po ashtu ndaj tij është ngritur aktakuza PP/I nr. 64/12 për vepër penale mbajtja në pronësi, kontroll ose posedim të paautorizuar të armëve nga neni 366 par. 1 i KPRK-së, mirëpo për shkak të amnistisë e njëjta është hedhur në bazë të aktvendimit PKR.P. nr 33/13”, thuhet në dosjen e Prokurorisë e siguruar nga Betimi për Drejtësi.