×
  • Lajme
  • Lajme / Shqipëri/Rajon

    Vrasësi i 14 vjeçares ishte në Beograd

    Insajderi
    04 December 2023 - 10:53

    Ljupço Palevski Palco është organizatori kryesor i dy kidnapimeve dhe vrasjeve në Maqedoninë e Veriut, dhe sipas informacioneve të para të MPB-së, ai është edhe vrasësi i Vanja G. Këtë e ka theksuar ministri i Punëve të Brendshme, Oliver Spasovski.

    Sipas fjalëve të tij, Palço ka shkuar nga Maqedonia në Beograd, pastaj në Bullgari. Ai dyshohet se u largua nga Maqedonia e Veriut më 30 nëntor.

    “Organizatori dhe ekzekutori kryesor që sipas provave të deritanishme ka vrarë me armë një të mitur më 27 nëntor rreth orës 10, i frikësuar nga provat që mund të gjente policia, është larguar nga vendi dhe ne jemi në kërkim të tij. “, tha Spasovski.

    Kryeprokurori i Shkupit, Gavril Bubevski, tha se pas hapjes së hetimeve do të lëshohet fletarrest ndërkombëtar.

    “Në këtë moment jemi në linjë pa asnjë rezervë, autorët e këtij krimi duhet të dalin para drejtësisë dhe të dënohen për atë që kanë bërë”, theksoi Bubevski.

    Sipas tij, dy të dyshuarit kanë dëshmuar se informacionin për lëvizjet e vajzës e kanë mësuar nga Palçi, i cili i ka marrë nga babai i saj.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika
    Lajme
    25 February 2024

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark