Ish-përzgjedhësi i Kombëtares së Shqipërisë, Edi Reja është emëruar trajner i skuadrës sllovene, ND Gorica.

Lajmin e ka bërë të ditur faqja zyrtare e ND Goricas, ekipit që bën gara në elitën e futbollit slloven.

Reja drejtoi klube të shumta, duke përfshirë Hajdukun, Lazion, Napolin, Cagliarin, Atalantan dhe Torinon e së fundmi edhe Kombëtaren e Shqipërisë.

Reja do të pasojë Miran Srebrniq, i cili u shkarkua pas një sërë rezultatesh jo të mira.

Gorica është në pozitën e fundit në renditjen tabelore të Superligës së Sllovenisë me 15 pikë të grumbulluar pas 24 ndeshjeve.