Një DJ argjentinas ka bërë përpjekje të mëdha për të mbrojtur veten pas akuzave se e infektoi me koronavirus yllin e PSG-së, Lionel Messin.

Messi u kthye në vendlindjen e tij në Argjentinë për Krishtlindje dhe Vitin e Ri, duke organizuar një festë në Rosario.

Shtatë herë fituesi i Topit të Artë u pa duke kërcyer me gruan e tij Antonella Roccuzzo dhe vetëm disa ditë më vonë, doli se ai ishte një nga katër lojtarët e PSG-së që rezultoi pozitiv për COVID-19.

DJ Fer Palacio ishte i ftuar për të siguruar muzikën e ngjarjes dhe postoi një foto të tij dhe Messit në faqen e tij në Instagram.

Por më pas, kur testi pozitiv i Messit doli në dritë, Palacio mori kërcënime me vdekje nga tifozët dhe u cilësua “një vrasës” mes fyerjeve të tjera.

Ai ndjeu nevojën për të sqaruar gjërat dhe ndau një video të shkrepur duke shpjeguar se nuk ia kishte dhënë Messit virusin.

Duke folur me një milion ndjekësit e tij në Instagram, Palacio tha: “Sapo u ngrita dhe pashë se kam marrë shumë mesazhe dhe jam në trend në rrjetet sociale sepse Messi doli pozitiv për Covid dhe njerëzit thonë se unë ia barta atij virusin”.

“Kam shumë mesazhe private dhe njerëzit kanë arritur deri aty sa më kanë quajtur vrasës. Unë kisha bërë një test për Covid dje sepse më duhet të udhëtoj për në Uruguaj nesër dhe nuk jam i infektuar”.

Palacio më pas postoi një pamje të rezultatit të tij negativ të testit COVID-19 PCR si provë.