Ambasadorja e ShBA-ve në Organizatën e Kombeve të Bashkuara, Linda Thomas-Greenfield, është takuar me ministren e Punëve të Jashtme dhe Diasporës së Kosovës, Donika Gërvalla-Schëarz.

Në njoftimin e lëshuar nga Misioni i ShBA-së në OKB është thënë se temë diskutimi ka qenë bashkëpunimi ndërmjet dy shteteve, angazhimi i përbashkët për avancimin e stabilitetit dhe prosperitetit në Ballkanin Perëndimor.

Ambasadorja gjithashtu ka uruar Gërvallën për marrëveshjen e arritur nga Kosova dhe Serbia dhe kërkoi zbatimin e saj të shpejtë.

Linda Thomas-Greenfield ka thënë edhe se ShBA do të mbeten të angazhuara në mënyrë aktive për të mbështetur Kosovën dhe Serbinë në zbatimin e angazhimeve të tyre në drejtim të një marrëdhënieje të qëndrueshme dhe paqësore./Insajderi