Përplasja mes dy vjazave, Xhulit dhe Vivit në “Big Brother VIP” Kosova, ishte ngjarja më e komentuar e ditës së djeshme që e ka ndarë publikun në dy anë.
Debatet e tyre nisën rreth dy javë më parë pasi vajzat komentuan romancat e njëra tjetrës në “BBV”. Xhuli i tha Vivit se “është në lojë nga Getinjo”, ndërsa Vivi i tha asaj se “Athdheu e la ‘live’ në emision”.
Së fundmi vajzat i janë rikthyer debateve, ku përplasja që patën nisi për punët e shtëpisë, për të vijuar me fjalë më të rënda.
Modelja Arbenita Ismajli, që deri tani s’kishte dhënë asnjë koment mbi lojën e lojtarët, ka bërë për herë të parë reagimin e saj publik duke treguar se nuk e simpatizon aspak Vivin. Arsyeja ende nuk dihet.
Në InstaStory, ajo ka shpërndarë foton e Vivien, duke i shtuar emojin e një palaçoje, një djalli dhe një bretkose.