Janë arrestuar tre persona në Mitrovicë e Skenderaj, të cilët ishin të kërkuar nga Gjykata për vepra të ndryshme penale.

“Njësitet policore në kuadër të Stacionit Policor Jugu në Mitrovicë dhe Stacionit Policor Skenderaj, gjatë ditës së djeshme kanë arrestuar tre (3) persona të cilët ishin të kërkuar nga gjykatat për vepra të ndryshme penale”.

Tutje thuhet se dy janë dërguar në vuajtje të dënimit ndërsa i treti ka paguar gjobë dhe është liruar.

“Pas përfundimit të procedurave të nevojshme policore, dy nga të dyshuarit janë dërguar në vuajtje të dënimit, ndërsa i dyshuari i tretë pasi që dënimi ka qenë i zëvendësuar ka paguar gjobën dhe i njëjti është liruar”.