Trajneri i mirënjohur shqiptar, Arsim Thaqi, ka folur në emisionin ‘Dueli Sportiv’ në RTV Dukagjini rreth largimit të tij nga Drita.

Arsim Thaqi tha se te skuadra gjilanase kishte për synim t’i ndryshojë disa gjëra.

“Shkova me synimin që t’i ndryshojë disa gjëra te Drita. Ato që kisha dëshirë t’i ndryshojë normalisht që nuk arrita,” tha ai.

Tutje, Thaqi tha se presioni dhe rezultatet e dobëta kanë qenë “fatale” për vazhdimësin e tij me klubin nga Gjilani.

“Problemi gjithmonë është te rezultati. Nëse do t’i kisha fituar ndeshjet në vazhdimësi atëherë çfarë do të mund të ndodhte,” tha tekniku kosovar.

Poashtu, Thaqi shtoi se një nga arsyet kryesore se pse Drita nuk mundi ta fitoj Superligën e Kosovës, ishte se klubi nuk investoi në afatin kalimtar të janarit.