Pronar e ortak në shumë firma. Telashe serioze me ligjin në Shqipëri. Telashe, kërcënime e bela me biznesmenë tjerë të bixhozit, siç ishte Ervis Martinaj. Një sërë “argatësh” të tij në Kosovë. I përmendur në Dosje të Prokurorisë Speciale e i kërkuar nga së paku dy gjykata në Kosovë. Ardit Kraja del të jetë bashkëshorti i moderatores së njohur shqiptare. Gazeta Insajderi sjell detajet.

Ardit Kraja është partneri i moderatores Ilda Bejleri.

Ai po akuzohet për veprën penale “Organizim i skemave piramidale dhe bixhozit të paligjshëm”.

Biznesmeni Kraja është ndaluar në pikën kufitare në Vërmicë.

Pas 48 orësh, Kraja pritet që të dalë para gjykatës për t’u njohur me masën e sigurisë.

Ardit Kraja, u përfol dhe në mediat rozë pak muaj më parë, pasi Ilda Bejleri e prezantoi si partnerin e saj, me të cilin ka dhe një vajzë.

Vite më parë në luftën për kontroll dhe territorit sa i përket lojërave të fatit në tokën shqiptare, biznesmeni Ardit Kraja u kërcënua nga Ervis Martinaj- një ish-oficer policie që u lidh me biznesin e bixhozit dhe ka kohë që është deklaruar i zhdukur.

Raportimet e medias shqiptare janë që ai u vra pikërisht për shkak të këtij biznesi.

Lexo edhe: Arrestohet rivali i Vis Martinajt- Insajderi sjell detaje se si përfitonin miliona “punëtorët” e tij në Kosovë