Deputetja e PDK-së, Ariana Musliu-Shoshi, ka thënë se kryeministri Kurti para se të fillojë sot raportimin në Kuvend për takimin e fundit në Bruksel, duhet të kërkojë falje.
Musliu-Shoshi thotë se Kurti e ka borxh kërkimfaljen për të gjithë ata që i ka cilësuar si tradhtarë e hipokritë për çështjen e Asociacionit.
“Albin, para se me raportu sot në Kuvend për ‘Zajdnicën’ e ke borxh me ju kërku fajle të gjithë atyre që TI i ke cilësu tradhtar, hipokrit, rrenca e paqavra!
E mbi të gjitha borxh e ke me i kërku falje të gjithë atyre që kanë dhënë jetën, kanë qendru në burg, kanë humb gjymtyrë e janë zvarritë në rrugë për KAUZAT e rrejshme tuat me qëllim ardhjen në pushtet!
Heret a vonë, gjynahet të zënë!“, ka shkruar ajo.
Ndryshe, Kuvendi i Kosovës do të mbajë sot seancë plenare me fillim prej orës 11:00, ndërsa pikë e parë e rendit të ditës është raportimi i kryeministrit Albin Kurti për takimin e fundit në Bruksel në kuadër të dialogut Kosovë- Serbi.