Të paktën 10 persona raportohet të kenë vdekur si pasojë e një aksidenti që ka ndodhur mëngjesin e së dielës në Kroaci, shkruan Insajderi.

Shefi i Mbrojtjes Civile, Damir Trut dhe Ministri i Shëndetësisë, Vili Beros shkuan në vendin e ngjarjes. Pasi vizitoi spitalin në Slavonski Brod, ku 45 të plagosur kërkuan ndihmë, Vili Beroš iu drejtua publikut.

“69 persona, 67 pasagjerë dhe 2 shoferë u përfshinë në aksident, 15 persona u plagosën rëndë.” tha Beros.

“Kishte edhe të mitur në aksident, një vajzë u plagos rëndë,” tha Beroš.

Drejtori i spitali zbuloi se dy persona gjendën në kujdesin intenziv, si dhe 15 të tjerë janë të lënduar rëndë, ku në mesin e tyre është edhe një vajzë e vogël.

“Dy persona janë në kujdes intensiv, 15 janë plagosur rëndë. Ne patëm tre operacione dhe kjo nuk përjashton mundësinë e operacioneve të reja. Të gjithë pacientët u kujdesën sipas rregullave,” tha shefi i spitalit.