Rezultati i fundit i votave në zgjedhjet në Turqi e ka dërguar presidentin turk Erdogan në balotazh me kandidatin e opozitës së bashkuar Kemal Kılıçdaroğlu, i cili ka arritur të ngushtojë rezultatin në 44.89 për qind, përcjell Insajderi.

E jo vetëm që e çoi në balotazh Erdoganin, kandidati i opozitës së bashkuar Kemal Kılıçdaroğlu, ka marrë vëmendje gjatë fushatës së tij, duke e formuar “zemrën” me duar. Kështu edhe mbështetësit e tij u dalluan qartë përmes këtij simboli.

Por, a e kopjoi Kiliçdaroglu, përmes kësaj fushate, kryeministrin e Kosovës, Albin Kurtin?

Kujtojmë se Kryeministri i Kosovës Albin Kurti, gjatë fushatës së zgjedhjeve të vitit 2017, kishte prezantuar moton “me zemër”. Madje edhe ishte paraqitur simboli i zemrës gjithandej.

Si duket kandidati i opozitës së bashkuar Kemal Kılıçdaroğlu, duke e parë fitoren dhe mbështetjen e Kurtit gjatë atyre zgjedhjeve, ka vendosur që t’ia kopjojë fushatën me simbolin e “zemrës”./Insajderi/.