Manchester City udhëton në Liverpool në një takim të skuadrave më dominuese në Premier League gjatë katër viteve të fundit.

Por, trajneri i Liverpoolit, Jurgen Klopp, hyn në lojë duke u përballur me pyetje të mëdha mbi aftësinë e tij për të mbajtur ritmin me Pep Guardiolën, pas një fillimi të vështirë që ekipi i tij ka 13 pikë larg kampionit në fuqi.

Klopp këmbëngul se Liverpool është jashtë garës për titull – edhe në një fazë kaq të hershme – por Guardiola pretendon se mbetet kërcënimi më i madh i Cityt në krye.

Fokusi do të jetë sërish te Erling Haaland, sensacioni më i ri në Premier League, i cili ka shënuar 15 gola në vetëm nëntë paraqitje për Cityn.

Liverpooli do të shpresojë që Mohamed Salah e kanë ndihmuar tre golat ndaj Rangers, në Ligën e Kampionëve.

Hera e fundit që dy skuadrat u përballën me njëri-tjetrin ishte në FA Community Shield në gusht, me Liverpoolin, që e fitoi ndeshjen 3-1.

Në Premier League, skuadrat janë përballur 52 herë. Liverpool ka fituar 21 ndeshje, City ka fituar 11, ndërsa 20 kanë përfunduar në barazim.

Manchester City ka qenë vdekjeprurës në Premier League këtë fillim të sezonit.

City mbetet i pamposhtur dhe është vetëm një pikë larg liderit Arsenalit.

Liverpooli, nga ana tjetër, ka luftuar për qëndrueshmëri. Të Kuqtë kanë fituar vetëm dy nga tetë ndeshjet në ligë dhe renditen në vendin e 11-të në tabelën.

Ndeshja do të zhvillohet me fillim nga ora 17:30.