Kryeministri i Kosovës, Albin Kurti, sot u shfaq edhe një herë përbuzës ndaj gazetarëve. Madje, z.Kurti nuk la pa lëshuar edhe batuta, me të cilat u kënaq Ministri i Bujqësisë, Faton Peci.
Pas takimit me Emisarin Special të Bashkimit Evropian për dialogun Kosovë-Serbi, Miroslav Lajçak, Kurti shkoi në Gjilan, atje ku nga gazetarja e ‘’RTV Dukagjini’’ u pyet se çfarë bisedoi me zotërinë Lajçak.
Gazetarja nuk mori përgjigje, por një batutë nga kryeministri, i cili nuk bëri të qesh askënd më shumë se sa ministrin Peci.
“A edhe në ara të Mireshit, Lajçaku, a po kupton. Kqyre traktoristi këtu a po kupton’’ – kjo ishte batuta me të cilën ministri Peci u kënaq duke qeshur.
Kësaj pyetjeje në formë batute të Kurtit, gazetarja iu përgjigj duke i thënë se ‘nuk po kemi ku të bëjmë pyetje’.
Ndryshe, transparenca e kryeministrit Kurti karshi mediave nuk është në nivelin e duhur. Madje ka pasur raste kur ky i fundit gazetarët i ka konsideruar të manipuluara nga Beogradi.
Më poshtë momenti kur gazetarja e pyet Kurtin, se çfarë biseduat me zotërinë Lajçak.